КИЛИЭП ОҤОРООЧЧУЛАР СЭМИНЭЭРДЭРЭ

Бүгүн, кулун тутар 23 күнүгэр, Аллараа Бэстээххэ “Бизнес-инкубатор” кииҥҥэ Дмитрий Афанасьевич Лукин аатынан “Бастыҥ килиэп буһарааччы” бырайыак чэрчитинэн Дьокуускайдааҕы килиэп кэмбинээтэ уонна “Өрөспүүбүлүкэтээҕи ас-үөл технологиятын киинэ” тэрилтэ үлэһиттэрэ биэкэрдэри кытта көрүстүлэр.

Сэминээргэ Дьокуускайдааҕы килиэп кэмбинээтин лабораториятын салайааччы Людмила Максимова килиэп арааһын, туһатын туһунан, тэрилтэ үлэтин-хамнаһын сырдатта уонна килиэп, бурдук аһын астыыр тэрилтэни арыныан баҕалаах урбаанньыттарга бэйэтин уопутугар олоҕуран туһааннаах сүбэлэри биэрдэ.

Салгыы астыыр-үөллүүр кээпэрэтииптэри, тэрилтэлэри кытта быһаччы үлэлэһэр “Өрөспүүбүлүкэтээҕи ас-үөл технологиятын киинэ” тэрилтэ ас-үөл технологиятын салаатын салайааччыта Галина Дармаева баар ирдэбиллэри, тэрилтэ-үлэтин хамнаһын билиһиннэрдэ.